जंतर-मंतर
— जॉन आगियार
जंतर-मंतरच्या मातयेत आयज,
लोकशाहीचो झाला आक्रोश;
हातांत आसलें सत्याचे फुल,
पूण भोगचो पडलो लाठींचो रोष.
प्रश्न विचारपी ओठ थरथरले,
स्वप्नांचे झाले रक्तरंजित गीत;
शांततेच्या मार्गावर चालप्याक,
किद्या खातीर वेदनेंची प्रीत?
दांडे दूखोंवंक शकतात कूडिक,
पण विचार जायनांत काडूंक
सत्याच्यो ज्योती पेठत उरतल्यो,
जीणेंतलो काळोख काडूक
घावे भरतले काळ सरतना,
पूण इतिहासांत आसतली नोंद खरी;
लोकशाहीचो दीवो सांभाळप्यांची,
केन्नाच तूटचीना दोरी
No comments:
Post a Comment