फाल्यांचो भरवसो
— जॉन आगियार
फाल्यांचो भरवसो कोणेच धरचो न्हय,
आयचो मोग कमी करचो न्हय.
रुसवे-फुगवे मनांत कित्याक साठयता?
आपुलकेचे धागे केन्नाच तोडूचे न्हय.
काळाच्या पावलांक थांबवपाक येना,
गेलेलो वेळ परत केन्नाच येना.
उतरां अशीं उलय, फुलांचो वास फुलय,
मोगान काळजां काळजांक मेळय.
अहंकारान नाती सगळीं तुटतात,
मोगान मात जीणभर जुळतात.
जीण जगपाचो नेम तुजो सुधार,
मनीसपणच जाता शेवटाक खरो आधार.
.
No comments:
Post a Comment