तिका पळयल्यार....
जॉन आगियार
तिका पळयलें आनी,
म्हजें काळीज कांय खीण थांबलें,
फांतोडेच्या धुक्यांतल्यान वाट काडीत,
सूर्याचें किरण रमलें.
तिच्या दोळ्यांतली शांतता,
मांडवी न्हंयच्या उदका सारकी,
तिच्या हांसण्यांतली ती गोडसाण,
फुलांच्या सुवासा सारकी.
ओंठार एक गोड गीत,
तिच्या केसांत वाऱ्याचे ल्हार,
पावसाचे थेंबें नीसरतात गालार,
तिचें चालप लेगीत तालार.
तिका पळयल्यार मन म्हणटा,
हो खीण हांगाच असोच उरचो,
मनाच्या घव्या पानार म्हज्या,
तिच्याच नांवान जागो भरचो.
No comments:
Post a Comment