जीणेंचो सांगात..
जॉन आगियार
नाका व्हाट्सएप संदेश तूजे,
पूण जिणेंत तूंच आसचें,
जेन्ना हांव थकतां,
तेन्ना म्हर्यांत तूं बसचें.
तुज्या ल्हानशा हांसण्यान
संसार हो हावें विसरचो,
तुज्याच दोळ्यांतल्यान
सगळ्याक उजवाड पसरचो.
जंय वाटेर दाट काळोख
आनी चलप कठीण आसूं,
थंय चांदणें जावन तूं
म्हज्या सांगाताक दिसूं.
म्हज्या मनाच्या भावनांक तूं
मोगाची वात दि गो,
म्हज्या ह्या जिणेक आता
तूंजोच हात दि गो.
दर्याक कितलें आसूं तुफान,
वार्यान कितलेंय भूजलें रान,
तुजो हात म्हज्या हातांत दि,
म्हाका जिणेची साथ दि.
No comments:
Post a Comment