-जाॅन आगियार
निर्शेल्या काळजार तुज्या
नवी पालवी फुलू दी
जैता वटेन चाल तुजी
चार चौगांक कळूं दी
आशेचें फूल आतां
काळजार तुज्या फुलचें आसा
निर्शेल्या खोल मनांत
किर्ण नवें येंवचें आसा
साकारात्मक विचारानी
मन तूजें खेळू दि
निर्शेल्या काळजार तुज्या
नवी पालवी फुलू दी
जैता वटेन चाल तुजी
चार चौगांक कळूं दी
प्रयत्न केल्यार काळखे जिणेर
उजवाड तूं घालतलो
कळो तुज्या नशीबाचो
आज फाल्या फुलतलो
नशिबातली वायटां आतां
सभेमाजार जळूं दी
निर्शेल्या काळजार तुज्या
नवी पालवी फुलू दी
जैता वटेन चाल तुजी
चार चौगांक कळूं दी
जीणे वाटेर आसूं कांटे
काट्यांतल्यान फुलां फुलतलीं
फुडलीआतां वाट माड्डयत
पावलां तुजीं चलतली
भागिल्ले कुडीक तुजे
नवें रूप मेळुं दी
निर्शेल्या काळजार तुज्या
नवी पालवी फुलू दी
जैता वटेन चाल तुजी
चार चौगांक कळूं दी
("पावलां" कवितां संग्रहांतली कविता-१९९५ / जैत प्रकाशन).
No comments:
Post a Comment