जाॅन आगियार
खूब कठीण परीस्तीतींत
सिमेचेर उबो रावता
तूकाच लागून घरानी आमीं
निवांत न्हीदूक पावता
शिटूक तूजे सदांच दोळे आनी कान
देशाच्या सैनीका आमकां तूजो अभिमान
वर्सान वर्सां घरच्यां पासून
पयस तू रावता
भूयकाप वादळ आयले जाल्यार
आदाराकय घावता
आशेतात मेळूक तूका भूरगीं तूजी सान
देशाच्या सैनीका आमकां तूजो अभिमान
वत पावस तशेच ना तूका
तान भूकेचें भान
देश तूका पयलीं आनी
कर्तव्य तूका म्हान
झुजांरी खरो जीवाचें तूं करता रान
देशाच्या सैनीका आमकां तूजो अभिमान
No comments:
Post a Comment