- जाॅन आगियार
संवसार म्हळ्यार नाटक आनी
आमी सगळीं पात्रां
देवाच्या हातांत आमच्या
नशीबाची सूत्रां
कळसूत्री बावलीं कशी
आमकां घेवन हालयता
सूसेगाद वयर बसून
देव आमकां खेळयता
कोण हागां दूखेस्त जाल्यार
कोण गायता कांतरां
संवसार म्हळ्यार नाटक आनी
आमी सगळीं पात्रां
देवाच्या हातांत आमच्या
नशीबाची सूत्रां
कोण हांगां करता पाप
आनी कोण दिता जाप
आप आपल्या कर्मान शेवटाक
भरतलें माप
मानांत घट्ट उरतली मात
उलयलेलीं उतरां
संवसार म्हळ्यार नाटक आनी
आमी सगळीं पात्रां
देवाच्या हातांत आमच्या
नशीबाची सूत्रां
No comments:
Post a Comment