नदर

-जाॅन आगियार

तूजी नदर काळजा मेरेन पावल्या
आतां ती फक्त काळजांतच रावल्या

पावलां फूडें हांव कशीं मारूं
तूज्या दोळ्यांच्या खोलायेन म्हाकाच विसरतां
जेन्नां तूज्या दोळ्यानी पळयतां
नीसर नासून लेगीत हांव वाटेर नीसरतां
जिणेक आतां नवी ओलसाण गावल्या
तूजी नदर काळजा मेरेन पावल्या
आतां ती फक्त काळजांतच रावल्या


तूज्या दोळ्यानी हो कसलो जादू
पळलें तूका आनी तूजोच जालां
दर्यांत पेंवपाक शिकचे पडलें,
तूज्या दोळ्यानी बूडत म्हण भिलां
खोल मनाक आज  खूशालकाय गावल्या
तूजी नदर काळजा मेरेन पावल्या
आतां ती फक्त काळजांतच रावल्या