-म्हाका आतां उडूक जाय...
-जाॅन आगियार
म्हाका आतां उडूक जाय
परत एकफावट घडूंक जाय
उडपाचो हावेस मनात रीगला
नवें किदें करूंक जगला
उडून पडपाक आनी पडून उडपाक
काळजांत घीटाय हांडूक जाय
म्हाका आतां उडूक जाय
परत एकफावट घडूंक जाय
गर्देंत रावून फूगार जालां
मेकळे हवेंत जगचें आसा
नवें जीणे जगपा खातीर
पोरणे रूपडें काडूक जाय
म्हाका आतां उडूक जाय
परत एकफावट घडूंक जाय
No comments:
Post a Comment