गांठ...
जॉन आगियार
नखेत्रांचो उजवाड नाका,
फुलांचो सुवास नाका,
तूं जेन्ना लागीं आसता,
तोच म्हाका आनंद जाय.
तूका हांसतें देखूंक जाय,
तूं उलय, आयकूंक जाय,
तुज्या डोळ्यांच्या भितर,
म्हाका शेणून वचूंक जाय.
तूं म्हज्या मनांत रावचे,
म्हज्या सपनांत येवचे,
हातांत हात घट्ट धरुन,
म्हज्या वांगडा चलचे.
सांजवेळार त्या पांयवाटेर,
तुजी वाट पळयत रावतां,
वाऱ्याच्या मंद झुळुकेन,
तुजेच मेरेंन नकळत पावतां.
पयस कितलोय आसलो तरी,
मोग कमी जावचो ना,
तूजी म्हजी बांघल्या गांठ ती,
सोडूक कोंणांक दिवंचो ना.
No comments:
Post a Comment