बायलेचो दरारो
जॉन आगियार
घर आमचें एक व्हडलें साम्राज्य,
आणि राणी थंयची म्हजी 'बायल'!
तिका खबर आसा सगळें शास्त्र,
चड उलयल्यार उखलता कायल
जिंकप तर केन्नाच विसरलो हांव,
ती म्हणटा तेंच सदां खरें!
तिका 'ना' म्हळ्यार कचाकच झगडीं,
'हय' म्हळ्यार सगळें जाता बरें!
हावे वचपाचें आसल्यार उजवे कडेन,
ती दाखयता म्हाका दावे!
चुकीन जरी हांवें तोंड उघडलें,
तर 'सॉरी' म्हणचें पडटा हांवें!
तिच्या उतराक ना कसलीच कातर,
तीच जज, पुलीस, तीच करता वकीली
तिका सदांच दिसता हांव चुकीचो,
आणि म्हजे विचार सगळे 'नकली'!
आतां जालां हांव एक 'निष्ठावान सेवक',
हात जोडून राविल्लें बरें!
संसार सुखाचो जावचो म्हणल्यार,
बायलेचें उत्तर सदांच मानचें खरें!
No comments:
Post a Comment