देवा बाप्पा मोरया रे
-जॉन आगियार
देव देव देव बाप्पा मोरया रे
देवा बाप्पा मोरया -।। २ ।।
हुन्द्राचेर बसुन हलत धोलत्
सजुन येता सवारी तुजी
काळजानी सगळी उमेद फुल्लोवून
दिसुन येता तयारी तुजी
तूका घडोवपाक चिकट माती
येवकाराक दिवल्याच्यो वाती
तोंडार तूज्या आशेची किर्णा
दोळ्यानी चकचकता मोती
देव देव देव बाप्पा मोरया रे
देवा बाप्पा मोरया -।। २ ।।
तूज्या भक्तीन न्हावून घेतां
अमृत मायेचें पीवून घेतां
छत्र सावळेच्या पोंदा तूज्या
सूखाची न्हीद हांव घेतां
आमकां मायेचे फळ तू दीता
आमकां जीणेचे मोल तूं दिता
वाट घुस्पल्यात जाल्यार आमी
फूडें सरपाचें बळ तूं दिता
देव देव देव बाप्पा मोरया रे
देवा बाप्पा मोरया -।। २ ।।
No comments:
Post a Comment