आवय ही आवय आसता....
जॉन अगियार
आवय ही आवय आसता
आवय सारकी दुसरी नासता
तूच म्हजे देउळ गे आवय
तूच देवळांतली मूर्ती
तुज्याच पासून मेळटा भुरग्याक
पावला पावलाक स्फूर्ती
मात्शे कितेय जालें बाळकाक
वेगेंत घेवन तूं बसता
आवय ही आवय आसता
आवय सारकी दुसरी नासता
तूच म्हजी शक्ती आनी
तू सावळेचें कुप
तूच म्हजे श्रद्धा स्थान
देवाचे दुसरें रुप
भुरग्याच्या माये मोगान
काळीज तुजें लासता
आवय ही आवय आसता
आवय सारकी दुसरी नासता
आवय तू स्वर्ग दयेचो
काळजांत सागर मायेचो
तुजेच पासून मेळटा आवय
आमकां मार्ग जीणेचो
भुरग्यांक आपल्या वयर काडूंक
आवय त्रास सोसता
आवय ही आवय आसता
आवय सारकी दुसरी नासता
No comments:
Post a Comment