यादी...
-जॉन आगियार
सुस्त न्हिदिल्यो यादी म्हज्यो
परत जाग्यो जावंक लागल्यात
वायट यादी बऱ्यो यादी
मुक्त जावन व्हावूंक लागल्यात
कांय यादी विसरूंक सोदी
भितर म्हाकाच खावंक लागल्यात
उचांबळ जाला जीव म्हजो
मनांतल्यो वांटो धांवूंक लागल्यात
यादींचीं सपनां जावन
पोरणीं गितां गावंक लागल्यात
वादळ जावन यादी आतां
म्हजेंच अस्तित्व धुवूंक लागल्यात
No comments:
Post a Comment