फुलपाक्या...
जॉन आगियार
फुलां वांगडा खेळपा खातीर
फुलपाक्या फुलपाक्या उडत यो
काळजां खोशयेन भरूंक आमचीं
सोबीत रंगांनी तूं बुडत यो
आयुश आसून लेगीत उणे
तुजे कडेन शिकचें जिणें
जीण फुलय उमेदीन भावा
फाल्यांचो दीस पळयला कोणें
बागेंतल्या फुलांक नाचयत
वेगेंत तांकां ओडत यो
फुलां वांगडा खेळपा खातीर
फुलपाक्या फुलपाक्या उडत यो
काळजां खोशयेन भरूंक आमचीं
सोबीत रंगांनी तूं बुडत यो
इतले सोबीत रंग तुजे
सगळींच तुका रावल्यात मेळूंक
फुलां वांगडा भुरगीं लेगीत
आशेन रावल्यात खेळ खेळूंक
रंगबिरंगी तुजीं पाखां हालयत
झाडांतल्यान वाट काडीत यो
फुलां वांगडा खेळपा खातीर
फुलपाक्या फुलपाक्या उडत यो
काळजां खोशयेन भरूंक आमचीं
सोबीत रंगांनी तूं बुडत यो
No comments:
Post a Comment