-जाॅन आगियार
चंदन नासून लेगीत हांव
परमळ म्हजो फूलयतां
काळजाक तोपल्यात भाले तरी
मोगान हांव उलयतां ।। २ ।।
रसत्यार कितलेय आडे आसूं
पूण सोदल्यार वाट मेळतली
जमीन कितलीय पडिक आसूं
उदका झरीनी भंरतली
काळोख कितलोय आसल्यार वाटेर
विश्वास किर्णा खेळयता
चंदन नासून लेगीत हांव
परमळ म्हजो फूलयतां
काळजाक तोपल्यात भाले तरी
मोगान हांव उलयतां ।।२ ।।
खर्यानीच म्हजी चूक ना
साबीत कायच करचो ना
सत्याची कास धरून रावलां
दोशी कोणाक करचो ना
लोक म्हाका वळखतात
मोन्यानीच हांव उलयतां
चंदन नासून लेगीत हांव
परमळ म्हजो फूलयतां
काळजाक तोपल्यात भाले तरी
मोगान हांव उलयतां ।। २ ।।
No comments:
Post a Comment