-जाॅन आगायार
विठ्ठला विठ्ठला औठार तूजें नांव
हात पसरून आयलां तूज्या पांया कडे हांव
पंडरपूरचो राजा तूं सगळ्याक तू पळयता
सूकिल्या झाडाक लेगीत फूलां तू फूलयता
तूज्याच भक्तिन मग्न जाल्याचें कल्याण जांव
विठ्ठला विठ्ठला औठार तूजें नांव
हात पसरून आयलां तूज्या पांया कडें हांव
गरूडाचेर बसता तूं पितांबर नेसता तूं
एकादशी कार्तिकेक भक्तां वांगडा आसता तूं
भक्तिन बूडल्या चद्रभागा आनी
पंदरपूरचो गांव
विठ्ठला विठ्ठला औठार तूजें नांव
हात पसरून आयलां तूज्या पांया कडें हांव
मायेन तूज्या भक्तांक तू नीयाळता
विठेचेर उभो रावून चक्रां तूं चलयता
पंढरीच्या सायबा सदाच काळजांत म्हज्या राव
विठ्ठला विठ्ठला औठार तूजें नांव
हात पसरून आयलां तूज्या पांया कडें हांव
No comments:
Post a Comment