गांठी
जॉन आगियार
गाडी हांव चलोयतालो
स्कूटर तुजी फाटीं
आरशांत दिसली ओळख तुजी
आनी जूळूंक लागल्यो गांठी
तुका पळोवन हांव हांसलो
तूंवय गालांत हांसले
नकळत म्हज्या काळजांत
येवन तूं बसलें
वाऱ्यार तुझे केंस उडटात
मनांत यादि रुजतात
रस्त्यावयल्या गर्दींतय
दोळे तुकाच सोदतात!
आरशांतलें तें तुजें रूप
लावन गेलें पीशे खूब
सांगपाचें तें उरून गेलें
पळोवन तुजे रूप
ओड आमची अशीच आसूं
मनांत तुजोच ध्यास आसूं
फूडलो प्रवास करतना
तूं म्हज्याच गाडयेंत बसूं
No comments:
Post a Comment