आवय..
जाॅन आगियार
अजून ऐकटो आसता तेन्ना
म्हाका तुजी याद येता
काळोख जाता तेन्ना यादींनी
पेत्रोलाचो दिवो पेट्टा
न्हीद येता तेन्ना आवय
तुजी मांडी याद येता
भूक लागता तेन्ना तुज्या
हाताची उंडी याद येता
जोर येता तेन्ना कपलाक
घडी घालप याद जाता
जिणे विशीं तुजे धडे
अजून म्हाका याद आसा
तुजेच यादीन जगतां जीण
कशें फारीक करचें रीण
आपलेंच पांगरूण घालून
तुवें म्हाका न्हिदयलो
आपल्या पोटाक मारून
तुवें म्हाका वाडयलो
तुज्या मायेच्या सूखान आवय
म्हाका तुवें घडयलो
No comments:
Post a Comment