गोंय
जाॅन आगियार
माणकूलें गोय म्हजें माणिक खरें
सरभोवती उदक आनी ठंडगार वारें
परक्यांच्या हातांत सोसलो चाबकांचो मार
एकस्ठांत गळ्यांत पडलो मुक्तिचो हार
पांचवेचार दोंगर,दरया, सवण्याचें भिरें
माणकूलें गोय म्हजें माणिक खरें
सरभोवती उदक आनी ठंडगार वारें
देशाच्या वावरांत ना भूक आनी तान
सूटके झूजार्यानी केलें जीवाचे रान
डाॅ लोहयान क्रांतीचें घाले सारें
माणकूलें गोय म्हजें माणिक खरें
सरभोवती उदक आनी ठंडगार वारें
मूक्तीउपरांत माल्ली नेठान पावलां
उदरगती मळार बरेंच मूखार रावलां
सत्यांशांत पंचविसावें राज्य तूं जालें
माणकूलें गोय म्हजें माणिक खरें
सरभोवती उदक आनी ठंडगार वारें
No comments:
Post a Comment