जीविताच्या बागेंत परमळ सूटला
मनात म्हज्या आकुर फुटला
आज हि झाडां म्हजे लागी उलयतात
सावण्याची भिरी काळजाक धोलयतात
तरणे जिणेचो सांगात भेटला
जीविताच्या बागेंत परमळ सूटला
आज हें मन म्हजे खोशेन भारलां
भुर्गेपण आतां फाटल्यान उरलां
दिसता म्हाका हाव सपनातलो उटला
जीविताच्या बागेंत परमळ सूटला
आज हि सवणी गीतां गायतात
दर्या ल्हारां सूर मेळयतात
गोळो म्होजो आज खोश्येन दाटला
जीविताच्या बागेंत परमळ सूटला
No comments:
Post a Comment