- जॉन आगियार
फोन: ९८२२१५९७०५
अगो अगो चेडवा जालां कितें सांग गो तुज्या फटल्यान चल्यांची
केदी व्हाडली रांग गो
आंगणांत आमगेल्या येवन तुं
होळी खेळून वच
अमी रंगानी बुडलयात
पैस्ल्यानुच मेळुन वच
मजा कारचे खातीर अमी
थोडी घेतल्या भांग गो
होळयेच्या रंगानी आता
रंगय सजून गेले
बाल गोपाल लेगीत रंगांत
बरेच भिझुन गेले
रंगाचें शिवरांनी पळय
भीजल्या तुजी मांग गो
भूर्गया वांगडा खेळ्पा इतले
आता तुं लहान ना
वय तुजे खंय पावला
तुका हाचे भान ना
पवळी घरची हूपताना
सांबाळ तुजी दांग गो
No comments:
Post a Comment