- जॉन आगियार
फोन: ९८२२१५९७०५
काजू फेणी
अरे वा काजू फेणीसवसाराचेर राज करता
हि आमची काजू फेणी.
कीतलेशे आयले , कीतलेशे गेले
एकाच गोटान ते पिशे जाले
आजेचे वखद तें .
गोयची ती राणी
सवसाराचेर राज करता
हि आमची काजू फेणी
जाणटेले पियेले , नेनटेले पियेले
काजूच्या गोटार
ते ओर्र जोडून जीयेले
फट तुमका सांगना
खरी हि काणी
सवसाराचेर राज करता
हि आमची काजू फेणी
सोडांतय चलता, कोकांतय चलता
फेणी पियेतोच मनीस
वार्याचेर ढोलता
फेणी हि फेणी न्हाय सदेम पाणी
सवसाराचेर राज करता
हि आमची काजू फेणी
- जॉन आगियार
फोन: ९८२२१५९७०५
अगो अगो चेडवा जालां कितें सांग गो
तुज्या फटल्यान चल्यांची केदी व्हाडली रांग गो
आंगणांत आमगेल्या येवन तुं
होळी खेळून वच
अमी रंगानी बुडलयात
पैस्ल्यानुच मेळुन वच
मजा कारचे खातीर अमी
थोडी घेतल्या भांग गो
होळयेच्या रंगानी आता
रंगय सजून गेले
बाल गोपाल लेगीत रंगांत
बरेच भिझुन गेले
रंगाचें शिवरांनी पळय
भीजल्या तुजी मांग गो
भूर्गया वांगडा खेळ्पा इतले
आता तुं लहान ना
वय तुजे खंय पावला
तुका हाचे भान ना
पवळी घरची हूपताना
सांबाळ तुजी दांग गो
- जॉन आगियार
फोन: ९८२२१५९७०५
काळजात भीतर येवन वच
मोगाची खुणा दिवन वच
मोग कितें ते म्हाका
लवच कानात सांगून वच
सपनात मात्शे येवन तु
म्हाका गो मेळुन वच
मोगचो हो खेळ पोर्णो
म्हजें वांगडा खेळून वच
मोग म्हाका भिजौन गेलो
तुंवय मोगान भिजून वच
पदर तुजो तोंडार धरुन
अशेच म्हाका लाजून वच
फुला पाळय फुल्ल्यंत बागेंत
धावत यो गो म्हज्या वेगेंत
म्हजें म्हर्यानत बसून तु
डोळ्यांत डोळे मेळौन वच
- जॉन आगियार
फोन: ९८२२१५९७०५
वार्यार तुका वयर व्हरून
सवण्या कडे मेळयतां
मळबांत तुका व्हरून हांव
नखेत्रानी खेळायतां
म्हजे वांगडा यो गो तु
सगळे तुका दाखयतां
तुजे खातीर वेळ पडल्यार
जगच हें बागयतां
वत लागल्यार सांग गो म्हाका
सुर्याकुच हलायतां
तुज्या मोगांत पडत सावन
पाय जमनीर रावना
समजून मात्श्यो घे गो तु
मनांतल्यो म्हज्यो भावना
चिमणेच्या आवाजात हाव
तुजे कडे उलैता
मळबांत तुका व्हरून हांव
नखेत्रानी खेळायतां
तु लजता हासता
आनी हासता हासता लजता
पावसांत भिजून कपडे तुजे
आंगा आंगाक दसता
पाळणे बांधून कुपाचे
हांव हळूच तुका धोलाय्ता
मळबांत तुका व्हरून हांव
नखेत्रानी खेळायतां
