संवसार खेळ हो
देवान तो खेळयला
नशिबाचो एक एक धागो
देवानच तो मेळयला
मोग, एकचार आयज
आमच्यांतले पयस जाल्यात
कर्तव्य, शिस्त, दोस्ती लेगात
पैशां फाटल्यान गेल्यात
मनशा मनशां मदी
वायटपण कालयलां
नशिबाचो एक एक धागो
देवानच मेळयला
संवसार खेळ हो
देवान तो खेळयला
नशिबाचो एक एक धागो
देवानच तो मेळयला
जबाबदारी आपली सोडल्यार
मूसकील जाता खीण
एका जाग्यार थिर उरना
गूसपता हि जीण
वायट कर्मा करतल्यांक
देवान दिवो पालयला
नशिबाचो एक एक धागो
देवानच मेळयला
संवसार खेळ हो
देवान खेळयला
नशिबाचो एक एक धागो
देवानच मेळयला
कोणा वाटेक सूख आसा
कोणा वाटेक दूक
सूख दूकाची पानां गूतून
देवान रचला रूक
रान फूलानी देखून आपलो
परमळ फूलयला
नशिबाचो एक एक धागो
देवानच मेळयला
संवसार खेळ हो
देवान खेळयला
नशिबाचो एक एक धागो
देवानच मेळयला
जिण म्हळ्यार एक नाटक
आमी सगळीं पांत्रां
उलयल्लीं मात उरतलीं
जण एकल्याची उत्रां
फूडली वाट नीतळ जावपाक
सूरांत सुर खेळयला
नशिबाचो एक एक धागो
देवानच मेळयला
संवसार खेळ हो
देवान खेळयला
नशिबाचो एक एक धागो
देवानच मेळयला
