कामाक्षी माते

 

--जाॅन आगियार

तूजेंच रूप म्हज्या दोळ्यानी भरतां

कामाक्षी माते तूका नमन हांव करतां 

संवसार कष्टिवला' घावे तूं पेकय

तूज्याच दोळ्यांचो उजवाड तूं दाखय

जीणेच्या ल्हारांनी घूस्पलां तरीय

तूज्याच विस्वासान फूडें पावल मारतां 

तूजेंच रूप म्हज्या दोळ्यानी भरतां

कामाक्षी माते तूका नमन हांव करतां 

माता पार्वती तूं शूब भाग्य हाडटा

सरसवती आनी लक्षमी दोळ्यानी रावता

पावला पावलाक म्हजें रक्षण कर आई  

तूका म्हज्याच हांव काळजांत दवरतां

तूजेंच रूप म्हज्या दोळ्यानी भरतां

कामाक्षी माते तूका नमन हांव करतां 

अख्या गोंयच्या तू मोगान लासता

शंभवी माये तूं शिरोड्यांत वसता

आड वाटेन चलचें पडल्यार

तूजेंच नांव घेवन फूडें सरतां

तूजेंच रूप म्हज्या दोळ्यानी भरतां

कामाक्षी माते तूका नमन हांव करतां 

महालक्षमी अंबाबाई

जाॅन आगियार

महालक्षमी अंबाबाई संवसार तूज्या हातांत गे

सावळी तूजी घाल आमचेर आमी उबे ओतांत गे

आदि माये अंबाबाई तूजें तेज रूप दाखय

दूकां पयस करून आमचे घावे तूं पेकय

रूप तूजे सोबता भांगरांन भरूंन नेटान गे

सावळी तूजी घाल आमचेर आमी उबे ओतांत गे

महालक्षमी अंबाबाई संवसार तूज्या हातांत गे

सावळी तूजी घाल आमचेर आमी उबे ओतांत गे

मायेचें भंडार तूं भक्तांक तूज्या तारल्यात तूवें

आपल्या पांयांपोंदा कितले दैत्य दानव मारल्यात तूंवें

घोर आघात आनी प्रहार पचयल्यात पोटांत गे

सावळी तूजी घाल आमचेर आमी उबे ओतांत गे

महालक्षमी अंबाबाई संवसार तूज्या हातांत गे

सावळी तूजी घाल आमचेर आमी उबे ओतांत गे

अघ्याय

जाॅन आगियार

तूज्या खातीर हांव खिणान खिण जगलां

हळू हळू मन म्हजें तूजेर जडूक लागलां

मोग किदें तें म्हाका खबरच नासलो

तूज्या मोगान पडत सावन वार्‍यार उडूक लागलां

हात घरून तूका कूपानी शें व्हरतां

तूज्या प्रितिचें म्हाका अशें सपन पडूंक लागलां

तूजेर कितलो मोग करतां थावच मेळनां

दिसता म्हाका मोगाचो नवो अध्याय घडूक लागला