तूं असत तर सांगाताक..
जॉन आगियार
तू आसत तर सांगाताक,
मनाक धीर मेळतलो,
तुज्या मोगाच्या सावळेंत
जीणेचो कळो फूलतलो
तू चलत तर सांगाताक,
दुःखां सगळी पळतली,
बावील्या या मनाक म्हज्या
परत पाखां मेळतली
तुजो एक हासो म्हळ्यार
सुखाची भूक भागयता,
आनी सहवास तूजो म्हजी
जगपाची उमेद जागयता
तूं लागीं आसता तेन्ना,
कसलोच भंय नासता
तू आसतना सांगाताक ,
जीण सुंदर भासता
वादळ कितलेंय येंवदी,
हात तुजो हातात राऊं,
काळखी वाटेर चलतना
तूंच म्हजो दिवो जाऊं
थकलेल्या या पावलांक
तुजोच आधार मेळचो,
हूवारान शेणलेल्या सपनांक
परतीचो रस्तो कळचो
No comments:
Post a Comment