श्री कठंगळ दादा माहाराज
-जॉन आगियार
श्री कठंगळ दादा माहाराज
तूच वाट दाखय
चूड तुजी हातांत घेवन
उजवाड तूं फांकय
खांद्यांर कामळ घेता
आनी हातांत तुज्या दांडो
आवडता तुका सायबा
रोटाचो गा उंडो
तुज्या मायेचीं फुलां
आमच्या मात्यार रकय
श्री कठंगळ दादा माहाराज
तूच वाट दाखय
चूड तुजी हातांत घेवन
उजवाड तूं फांकय
तूच आमचो राखणो सायबा
तूच आमचो धीर
तुज्या प्रसादाच्या फळाची
आमकां दवर शिर
सुखान जीण सारपाचो
मंत्र आमकां शिकय
श्री कठंगळ दादा माहाराज
तूच वाट दाखय
चूड तुजी हातांत घेवन
उजवाड तूं फांकय
No comments:
Post a Comment